Lalao Ravalomanana : izay hitoerany sy lalovany dia mamerovero .

DSC00311

DSC00312Nitohy tetsy amin’ny FJKM Ambatoroaka finoana androany ny fiaraha-mivavaka ho an’ny firenena sy ny fianakaviana Ravalomanana. Ny mpitandrina izay namaky ny tenin’ny soratra masina dia  nanambara fa kristy ihany no afaka hanafaka ny krizy izay mampikaikaika  ny vahoaka Malagasy izao . Nanakoako tamin’izany ny hira “Fitiavana rano velona” sy ny fifandraisan-tànana  ho marika fa tokony hifankatia ny rehetra. Anisany nisongadina tamin’ny fandraisam-pitenenana  izay nataon’I Ramatoa Lalao Ravalomanana ny famporisihana ny vahoaka Malagasy hanavao  isan’andro ny fanolora-tena sy ny famelan-keloka . Nohamafisiny  fa raha izy manokana dia mamela heloka ny rehetra sy tsy manana alahelo  na dia ny nanao ratsy taminy aza ka tokony hanao izany ihany koa isika hoy izy. Tsy adinon’ity farany ihany koa ny nankasitraka ny vahoaka Malagasy tamin’ny  fitondrana amam-bavaka  ny fianakaviany  hatramin’izay.Nambarany fa raha tsy nisy ny famelankeloka  dia tsy handroso izao firenena Malagasy izao. Tomefy olona daholo ny sisin’arabe izay lalovany taorian’ny fotoam-bavaka izay  niaraka nihoby sy hofahofa tànana izay manambara sahady fa mamim-bahoaka sy ao am-pon’ny Malagasy I Ramatoa Lalao Ravalomanana . Miandradra azy hanarina sahady izao firenena latsaka anaty krizy lalina izao araka ny ambetiteniny fa vonona ny hanarina ny rava izy .Izany tokoa no tonga amin’ilay fiteny hoe :  Sambatra izay hitoerany fa ny lalovany aza mamerovero .

3 pensées sur “Lalao Ravalomanana : izay hitoerany sy lalovany dia mamerovero .”

  1. Tena mahafinaritra ahy ny zavatra lazainao Ramatoa Lalao Ravalomanana. Saingy misy zavatra tiako tsindriana kely sady mafy. « Neny » ny anarana nentinao @ malagasy. Aoka re mba hisongadina tsara ny tena dikan’ilay reny, aza mitsikera ny hafa intsony, mahaiza manambatra ny malagasy rehetra. Ny tena tsara aza dia efa miseho miaraka @ malagasy avy @ faritra hafa rehetra mba tena ho fantatry ny olona izany reny. Tsy ho seho ivelany na titre fotsiny fa tena hambabon’ny fon’ny malagasy e. Reny, inona ny tena dikany : be fitiavana.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *